السلام عليكم ورحمة الله..
كيف الحال،، من فترة طوووويلة وانا ودي اجرب فاونديشنز من جيفشي وبالاخص photo' perfexion لأن شفت كثير ميكب ارتست يستخدمونه،، طبعاً لا اخفيكم بأني كنت متردده اشتريه لأنه غالي حبتين ولأنه يعتبر من الماركات الهاي اند ، فلازم اختار الدرجه صح ولأن محلات المكياج عندنا في السعودية ما شاء الله تلزمك او بطريقة ما>> تبيك تشترين بمبلغ وقدره عشان تأخذين عينة من المنتج اللي تبينه وهذا بعد ما تزنين على راسهم.. بصراحه هذا اللي اواجه 😠
GIVENCHY PHOTO' PERFEXION FOUNDATION
في البداية المنتج مصمم على ان يكون لون البشرة طبيعي 100% وهو أول فاونديشن من جفنشي في مبدئه من التصوير الرقمي
مؤشر وقاية SPF 20
25 ml
المنتج يوعد بثبات لمدة طويلة وهو مات او مطفي ..
يساهم في تقليص المسام وأخفاء الشوائب والخطوط الصغيرة ..
المنتج يوعد بثبات لمدة طويلة وهو مات او مطفي ..
يساهم في تقليص المسام وأخفاء الشوائب والخطوط الصغيرة ..
فيه منه 12 درجة، طبعاً بعد رحلت البحث عن الدرجة المناسبة لي شفت كثير مراجعات وفيديوات،،
اخترت درجة 6 PERFECT HONEY
رأيي الشخصي"
- للأسف مو مبين بالصورة لكن لونه اغمق مني شوي بس عاجبني لاني احط هايلايترعلى الاماكن اللي ابي انورها، لاحظت بعد انه يتأكسد الفاونديشن يعني يتغير اللون بعد ما استخدمه .
- اقدر اقول التغطية حلووه بالنسبة لي، يعني إذا ابي مظهر اقرب للطبيعي احط طبقة وحده يغطي لي الحبوب والاثار بس مو تماماً، لكن إذا ابي تغطية كامله احط طبقتين على الاماكن اللي تحتاج .
- ثباته حلو، احياناً اخليه 10 ساعة علي ما يتغير عدا عند الانف .
- ما انصح فيه لأستخدام اليومي ولكن للمناسبات مناسب جداً والتصوير بالتحديد لأن من الأساس الفاونديشن استخدامه مصمم للتصوير أو flash photography وعموماً الفاونديشن اللي يكون فيه نسبة الحماية من اشعة الشمس منخفضه يكون مناسب للتصوير، ايضاً إذا وزعتيه على البشرة زييين يغطي لك العيوب وما يخطط .
- مات او مطفي، وما احتاج استخدم بعده بودرة للتثبيت .
- جربت احط قبل الفاونديشن نوعين من البرايمر ممما فرق كثير، يعني بأستخدام البرايمر أو بدون ما أحس تغير شيء .
- مناسب جداً للبشرة المختلطة إلى الدهنية اما للبشرة الجافة انصح بأستخدام مرطب قبل الفاونديشن .
هذا تقيمي للمنتج
إذا عندكم اي استفسار لا تترددون 😊
حساباتي في مواقع التواصل
Instagram" ohood_blog
Twitter" @ohoodblog
Gmail" ohoodblogger@gmail.com
ليست هناك تعليقات:
إرسال تعليق