واليوم رجعت بتدوينه قريبه إلى قلبي 💗المكيــاج💗
بتكلم عن مكياجي للدوام .. طبعاً البعض منكم يشوفه كثير والبعض يشوفه قليل لكن بالنسبه لي ولأني احب المكياج وطبيعة شغلي تتطلب مني مقابلة الجمهور اكيد لازم اظهر بمظهر لائق ومرتب و مصحصح
وهذي طريقة مكياجي اللي اسويها خلال 15 دقيقة
طبعاً اول شيء احب ابدء فيه هو الحواجب امشطها واحدد من تحت الرسمه اللي ابيها بايشدو بني بعد كذا اكمل الباقي على حسب المزاج إذا كنت رايقه استخدم الجل من انستازيا او إذا كنت مستعجله استخدم القلم اسهل واسرع بالرسم، أيضا اللي لاحظته ان الرسم بالقلم يدوم لفتره بسيطه وتنمسح الرسمه بعكس الجل احسه يدوم لساعات طويله حتى لبعد الدوام ما يتغير لأنه ضد الماء،
درجتي فيهم soft brown
تكلمت قبل كذا عن السي سي كريم في الانستقرام وقلت انه يصحح من لون البشرة ويعطي نظارة بحيث ما يبين اني حاطه شيء على وجهي، فيه حمايه من الشمس ٣٠، لما احطه يكون لونه ابيض ولما ادمجه يصير على لون البشرة ..
طبعاً ما يعطي تغطيه ملحوظه للبشرة، مجرد انه يبرز ملامح الوجه بشكل مرتب..
احس يناسب كل انواع البشرة
احس يناسب كل انواع البشرة
أخذته the face shop
للعيون من باليت ذا بالم استخدم ايشدو بني فاتح sultry على كسرت الجفن وخط الرموش من تحت وادمجه، بعدها على خط الرموش من فوق وتحت ارسم خط بالايشدو العنابي sexy وادمجه بشكل بسيط بحيث يعطي كثافه في الرموش <<هذي الطريقة تغنيني عن استخدام الماسكره
بالنسبة لحمرة الخدود من رميل 120 pink rose على الطبيعة جدا خفيفه ولونها نااااعم مو مثل الصوره احب اوزعها حتى على انفي احس تعطي اللوك برائه اكثر 😊
للكنتور استخدم master sculp من ميبلين درجتي 1 light/medium لونها جــداً خفيف لكن تفرق باللوك توزيع بسيط على منطقة الجبه وتحت الخدود وعند الرقبه..
والاضاءة mary lou من ذا بالم
وللشفايف على حسب المزاج كل يوم روج شكل ههههههههههه
لكن اكثر نوع مستمره عليه هذي الفتره miss&mrs درجة 16
الحلو في هذي الارواج ان لونها جدا واضح و تدوم لساعات طوييييله حتى مع الاكل وشرب يعني ما تروح بسهوله لكن العيب اللي فيها انها مع الوقت تنشف الشفايف تطلع زي القشور فيها مع ذلك لازم قبل ما استخدمها اسوي تقشير لشفايف وارطبها زين👌
ليست هناك تعليقات:
إرسال تعليق