كيف أختار الفاونديشن المناسب لدرجة بشرتي؟؟

السلام عليكم .. موضوع اليوم هو تكمله لسلسلة المبتدئات بالميك اب واللي هو كيف أختار الفاونديشن المناسب لدرجة بشرتي؟؟

واللي اعتبره من أهم المواضيع لأن كثــــير من البنات يجهلونه..

وهذا لكثرة مشاكل البنات في اما يكون الفاونديشن افتح او اغمق من لون الرقبه او ينقلب لونه رمادي و يعطي مظهر شاحب للوجه

،،كل هذي المشاكل حلها واحد،،

*تختارين الفاونديشن حسب اندرتون بشرتك*

وهالشي تعرفينه من خلال تقيمك لنفسك ،، حسب أنواع الاندرتون الموجوده هنا

البشرة cool ~ الباردة

"صاحبة البشرة الباردة يكون اندرتون بشرتها مائل للأحمر او الرمادي او الأزرق"

لما تتعرض البشرة للشمس تحمر او تحترق قبل ما تسمر..

هذا النوع من البشرة يناسبها من الإكسسوارات اللون الفضي..

ويكون لون عروق اليد بنفسجي او أزرق..

ويناسبها الفاونديشن المائل للوردي..

البشرة warm ~ الدافئ

"صاحبة البشرة الدافئة يكون اندرتون بشرتها مائل للأصفر او الذهبي او البرونزي"

ولما تتعرض البشرة للشمس تتكتسب اللون البرونزي قبل ما تحترق..

هذا النوع من البشرة يناسبها من الإكسسوارات اللون الذهبي..

ويكون لون عروق اليد زيتوني او اخضر..

يناسبها الفاونديشن المائل للأصفر او الذهبي..

البشرة neutral ~ الطبيعية

"صاحبة البشرة الطبيعية يكون اندرتون بشرتها مابين الباردة والدافئة"

يعني يناسبها بعض من الالوان الباردة والدافئة..

وعروق اليد ما تتميز بوضوح تكون مابين الأزرق و الأخضر..

يناسبها الفاونديشن اللي يكون لونه محايد او انك تأخذين ما بين البارد والدافئ وتخلطينهم ..

((والخلط عموما يعطي نتيجة حلووه))

فيه بعض الماركات مسهلين الموضوع عليك زي لوريال

لوريال كاتبين درجات الفاونديشن الباردة والدافئة والطبيعية بالانجليزي حسب اول حرف من كل كلمة

بهذي الطريقة

وفيه ماركة ماك عاكسين الموضوع

اللي بشرتهم باردة كاتبين لهم NW 

والدافئة NC 

طبعاً بعد ما عرفتي نوع بشرتك رح يفيدك هالشيء في أختيار الالوان المناسبه لك في الميك اب او الملابس او حتى صبغات الشعر بحيث تعطيك اشراقة للبشرة وتخفي لك العيوب..