بعض النصائح المهمة للمبتدئات بالميك اب ~من خلال تجاربي~

السلام عليكم ورحمة الله وبركاتة..

.

.

بما أن هذا أول موضوع لي في مدونتي حابه اقول لكم شغلة قبل لا ابدأ

طبعاً أنا سويت هذي المدونة لكل وحده مهتمة بالجمال وتبي تستفيد، اكيد استقبل اسألتكم عن موضوع تبون احكي عنه أو عن منتجات حابين اعرض تجربتي عنها،،، و مدونتي ما بتستمر اكيد الا بدعمكم وتشجيعكم لي.. فــ يله نبدأ

.

بــســم الله" في كثير بنات جـميلات اعرفهم مبتدئات في عالم الميك اب، ومحتارين وش الامور المهمة اللي لازم يتبعونها في الميك اب عشان يظهرون بمظهر انيق ومرتب  ؟؟ ..

 اكيد كل وحده فينا تبي تظهر جمالها وابداعها في الميك اب، ولان فيه بنات يهمهم هذا الامر ..

. جمعت لكم هذي النصائح اللي أكيد رح تفيد كثير منكم ~من خلال تجاربي~

• كمبتدئة مهم قبل لا تشتري أي كريم تكوني عارفه (درجة لون بشرتك- نوع بشرتك) عشان تفهمي انتي وش محتاجة، ومثل ما تعرفوا البشرة ما تظل على حالها طول العمر، إذا بشرتك دهنية تأخذين انواع بدون زيوت، أو بشرتك عادية إلى جافة تأخذين انواع فيها نسبة من الترطيب.
• إذا حابه بشرتك تكون نظره وطبيعية لدوام أو للأيام العادية استخدمي BB كريم مناسب لبشرتك افضل من يكون فاونديشن لان الفاونديشن ثقيل ع البشرة اما إذا كانت بشرتك فيها آثار حب شباب وتبين تغطيه شوي اثقل، انصحك تخلطي بين BB كريم والفاونديشن وتوازنيهم على لون بشرتك، هذي الطريقة بعد تنفع إذا أخذتي درجة افتح أو اغمق منك بالغلط.

• إذا انتي من البنات اللي تستخدم الإسفنجة لتوزيع الفاونديشن ~مثلي~ انصحك تبللي الإسفنجة بالموية بعدين اعصريها زين و حطي الفاونديشن ووزعيه عادي على الوجه، هذي الطريقة تفيدك في أن المنتج يتوزع تقريبا كله وما يدخل جوة الإسفنجة وما تضطرين تزيدي كل شوي، على فكرة هذي الطريقة بعد يسونها خبيرات التجميل.

• للمبتدئة برسم الاي لاينر انصحك تستخدمي الجل لاينر لانه اسهل بالرسم ومع التدريب رح تبدعين فيه حتى لو ما كنتي تعرفين ترسمين افضل لك من الكحل السائل.

• إذا عيونك صغيرة وتبين تبرزينها بالميك اب حاولي تبتعدي عن رسم الكحل الغامق بألونه دخال العين وأكتفي برسم الاي لاينر على الجفن المتحرك، وبالفرشة حطي شدو من درجات البني تحت خط الرموش السفلية، وبكذا مظهر عيونك بيكون واسع.

• إذا حابه ترسمي حواجبك ويكون شكلها طبيعي ومرتب استخدمي بودرة الحواجب للرسم لانها تميلي الفراغات افضل من قلم الحواجب.

• عشان تبرزين وتوضحين لون الروج على شفايفك؟

 الطريقة (1) لما توزعي الفاونديشن على وجهك طبطبي شوي منه على شفايفك  بعدين حطي الروج.
الطريقة (2) استخدمي ليب لاينر قريب من لون الروج اللي بتحطينه و وزعية على كامل شفايفك بعدين حطي الروج.

//اخر نصيحة دائما تابعي فيديوات تعليميه للميك اب وطبقي اللي تتعلمينه على نفسك او حتى على قريباتك وشوي شوي بتصيرين مبدعة فيه...